My Google Page Rank

Zamboangueña ta continua ase nombre na grande ciudad

PDFPrintE-mail

Un iha ya principia aprende este clase de juego gymnastics, edad 5año,sunombre Cayenne Lauren Atilano Bathan nacido aki na ciudad de Zamboanga . El mga classmate ta llama cunele Yen Yen, ele el primer anak di Leo y Karen Cecille A Bathan, chene le un hermana el nombre Celine Loreal A. Bathan.

Este el suistorya…

“Cuando na Manila kame el lugar de mi tata, ya tiene yo oportunidad para man training y huga na competicioncun el mga otro estudiante del Gymnastics Association of the Philippines . Bien suerte yo kay ya puede yo gana el 1st place overall5 gold medals in womens artistic gymnastics NCR , milo gymnastics friendship meet 2012. Alyi yo ya continua el gymnastics yes cuhi yo este clase de juego porca osa bueno este na cuerpo, ejersicio para na salud .  Diferente con el otro mga juego .Cuando na grade 1, yan idol yo cun Bea Lucero y cun Nadia Comoneci. Mi coach primero na NCR si Roland Udguin, 2013 ya decidi mi mayors bolbe kame na Zamboanga City  y yan enroll conmigo na Pilar College donde si Ms Chibey Casamis el mi coach .Ya puede yo gana na division meet, yo el ya representa cun el Zamboanga City na regional meet, pero este el mas deficil ya pasa na mi vida durante el Zamboanga siege ya socede canaton, aquel mga dias que bienenecesita gayot yo man practice pero hende puede usa el grandstand por causa guerra pa y ta queda kame na Mercedes lejos para andana pueblo, mi mayores ya cunbinci conmigo para man practice yalang na casa por tres cemana, mi nana el ya queda  mi coach y mitata amo ya ase el balance beam, tan practice yo sais hora el dia stretching routines y otro pa mga ejersicio .Ta mira yo na Tvel situacion, ta resa yo era ay kabaya el guerra.  2014 durante el regional meet ya gana yo y ya representa el Zamboanga City y region IX . Na  Palarong pambansa este el sueño na mi vida que no puede yo el ulvida porcaosa ya puede yo dale mira con el mga hente, yo el ganamuskin el contra hende lang grande, alto, mapuersa, expirienciao, El compiansa determinacion para participa con este juego amo el mi guia para dale todo mi abilidad, Ya sale el resulta yo el ya gana 1st place overall, ya ricivi yo four gold medals y  one silver medal na cinco events na women artistic gymnastics, ahora taki yo na Manila ta entra escuela na Colegiode San Agustin. Yo ahora grade five studiante y ya elihi sila conmigo na student council vice president, presentamente yo yagana gold eagle certificate na declamation contest, red eagle certificate in singing, 1st place group dance contest y  mi average 94.7 . Este el un cosa quere yo dale mira, el un athlete hende lang na juego bueno, usa diila hora para studia tambien, ahora el escuela ya invita conmigo para participana theater arts….Mio consejo cunaquellos mga bata, sige cosa ostedes ta suña, ase manera con sacrificio y reso con dios  y era Mi hermana menor si Celine Loreal que ya principia le temprano mas joven conmigo ta resa yo kay ele tambien puede dale honor para na familia y para na ciudad  de Zamboanga City.” (By Elong Natividad)




Related news items:
Newer news items:
Older news items: