My Google Page Rank

Tolomia - Zamboangueño Basketball Player

PDFPrintE-mail

Este dia conose quita con el otro buwen basketball player...

"Mi nombre si Chester Yves S. Tolomia , 36 año 6'3” altor, ta llama conmigo “CHES”. Mi mayores si Cirilo L. Tolomia y Valeria S. Tolomia, mga hermano sila Ciriel, Carl, y Cris Michael. Mi mujer si Paula Junne R. Tolomia diamun mga anak. Chesna Julynne y Pioux Yaj.

Ya entra yo  elementaria na ICES, high school na WICAS y college na UPHR Las Piñas, Manila. Ya gradua yo BSC major in management. Mi mayores ta insiña canamon pirmi acorda na Dios y no ase malo na otro hente. Todo kame nesecita man ayudahan na unoy otro. Bata pa yo 7 año el edad el basketball ya gayod mi juego y ta anda yo mira el juego na sta Maria basta tiene liga por medio de ese ya pone yo na mi pensamiento y corazon conese juego.

Un dia chene liga de 3 on 3 na escuela, uno yo del players ya escuhi sila, el mi siryoso practice ya principia durante tan coach si Jungi, Cocoy y Edgar. Alyi ya puede yo observa kay mucho oportunidad para yo el queda un basketball player. Ese tiempo ya prepara yo mi cuerpo y mentalidad kay necesita aprende yo pakemodo ase possible .Cuando ta juga yo na grande liga alyi ya puede yo pensa kay todo juego importante, Necesita yo ayuda ase gana el juego, hende debe dale dale chance con el contra, para sila el gana na juego. Pureso ya dale yo todo mi abilidad durante mga  juego.

El mga teams ya puede yo juga na PBL Chowking y Shark Energy drink ese liga bien memorable para conmigo alyi yo ya queda tamen MVP, alli ya pone conmigo  el writer de sports magazine nombre  D elevator ! Cuando ya juga yo na PBA  Sta Lucia,Ginebra,Coca-Cola,Magnolia  del 2010 ya saka conmigo para juga na Brunei Barracudas 2011 Thailand Chang , ya juga yo na Malaysia como un import .2015 assistant coach yo na d Builders team del “ D league” torneo . Si Don Camaso ya invita tambien conmigo para juga na Judiciary Magis y trabaja .  Este UNTV CUP 5, un charitable juego del mga trabajador de mga agencia na  govierno, Dos veses ya sila yan Champion , team este del supreme court el ta encabesa el court administrator Atty Midas Marquez . Na este torneo yan Award conmigo Season MVP .Mi juego Posicion small forward y shooting guard.

Apuera el basketball anad yo cusi comida , anda na mi poutry y man viaje na otro lugar, pirmi yo ta atende el necesidad del mga Bata, para na futuro diila, Lejos na mal bisio. Na vida hende todo tiempo puede man junto pureso ay ase yo el mi espuerso dale attencion para canila, kay todo mi expiriencia el bueno ay  inciña yo, Como un tata suporta yo hasta onde el puede. Kay quere yo mira canila alegre el cosa sila ya escuhi para na diila cada cual vida si puede sila sige egual cosa yo ya ase bueno, kay sila ya dale alegria para yo el trabaja y tiene otro alegria na mi vida."

Schedule of games ZCHS MAIN INTER BATCH BASKETBALL LEAGUE 2017-2nd Conference Opening Day: March 26, 2017(Sunday), Venue: Putik Covered Court 7:30-8:00am: Short Opening Program 8am (cat a) 8am Batch 92 vs. Batch 98 (cat a) 9am Batch 81 vs. Batch 87 (legends) 10am Batch 93 vs batch 97 (cat a) 11am batch 70’s vs batch 89 (legends) 12pm batch 2000 vs 04 (cat b) 1pm batch 80 vs 88 (legends) 2pm batch 94 vs batch 96 (cat a) 3pm batch 95 vs batch 99 (cat a)

Note: to all participating batches (players, coaches, team managers/representatives) you are required to attend the opening program.pls be guided accordingly thanks and good day everyone! (By Elong Natividad)




Related news items:
Newer news items:
Older news items: