My Google Page Rank

MR CHAMP

PDFPrintE-mail

Simple persona mucho acomplicimiento ta puede kita uwi pero no conose kita quien. El nombre suyu si EDNIE MORONES  mucho ta llama conele “Nie”, su mayores si Eduardo Morones y Thelma Morones . Su hermano si Edsel y Hermana si Edna, su esposa si Maricris D. Morones chene sila tres anak , si Christian Edward, Elyse Chriszan y Eireen Calya Morones.

“Iyo si Ednie Morones., ya gradua elementaria na Tetuan central school , High School y College na Southern City Colleges mi curso BSC major in banking finance. Ya principia yojuga basketball 7 año mi edad, alyi kame pirmi  ta juga na Tetuan central school todol tarde kay mi hermano, primo y mayoria del bueno player de Tetuan ta anda alyi juga, y mga liga alyi tamen ta ase, tiene try out del junior basketball team na Southern yan enroll conmigo y ya pasa iyo,  ya dale conmigo full scholar. Alyi ya puede yo pensa un grande cosa se ste ayuda na mi mayores, yan solo practice yo para gueda alto mi compiansa y abilidad na juego, iyo el point guard .Ya manda si coach Rey Matondo omenta mi  abilidad, dos bola yo pirmi  tan practice para isquerda derecha el puede yo man dribol, ya queda alto mio compiansa na tirada del bola y na mi dribol, cuanto beses kame yan champion ya nombra MVP, Mythical five Selecion, hasta senior yo ta juga na SCC bulldogs, Mucho otro teams el ya juga yo y lugar ya anda. Ya saka conmigo el AGFA coach Jimmy Mariano aki na Zamboanga para liba na Manila juga na PBL, pero nuay yo quere sige por caosa mio studio, kay aguel año el gradua yo na collegio”.

“Ta pidi yo   gracias cun el mio mga coaches.. Rey Matondo, Rey Macasinag, Pedro Alfaro, Ching Impe y si coach Elong Natividad . Sila el mga persona ya guia y ayuda del aquel mga año necesita yo el ayuda. Pureso ya queda yo un ejemplo ahora como coach, cun el mga players  tan coach yo y ayuda para gradua y usa el abilidad para bien.

Mi mga players que talyi ahora na PBA sila si Chico Lanete, Gardo Lanete, Rudy Linganay y si RR Garcia . Hasta ahora yo pa siempre el coach del Southern City Colleges junior y senior team. Mucho ya yo honor ya puede dale cun el escuela, ciudad y region IX .  Yan Champion kame na National Prisaa Basketball men y mucho pa otro torneo, presentamente el mio 2 team el champion na SBP regional elimination na 3 on 3 queya conduci el juego del Marso 18-19,2017. El team  sale para manila na May 4, 2017 para na National finals . Kame el representa cun el Zamboanga City y kame el defending champion de este torneo  . El mio consejo con aquel mga player quiere queda sikat na juego de basketball necesita el training , kame antes ta core hasta Cabatangan kabar bira pa rana pueblo, este tiempo man balance sila el studiada y juego kay hende contigo manda juga si tiene tu kahido na dituyo grado.

Ta dale yo tambien hora para na familia, hunto con mi mujer y mga anak, na mga nesesidad na kasa. si Christian (ex PBB) na Manila ya ta esta, mi suporta canila  hasta onde puede ayuda…. (By Elong Natividad)




Related news items:
Newer news items:
Older news items: