My Google Page Rank

‘RR’ – Simple pero mapuersa

PDFPrintE-mail

Mi storya este dia base na entrevista di miyo con un simple hente pero mapuersa…

“Mi nombre si RYAN  ROOSE GARCIA, 5’11" altor , 27 año el edad, ta llama sila conmigo RR , mi mayores sila Rody T. Garcia y Rosie Bismar  Garcia.Ya tiene sila cuatro anak, si Roween, Ruther, John, Russel y iyo. Mi iha si Ryanne Raze Garcia ya gradua iyo elementaria na Pilar College, high school na Southern City Colleges y colegiona Far Eastern University na Manila .

Ya prinsipia yo juga basketball na edad de 8 años na Southcom Village Calarian Barangay. El lugar ta juga  kame junto kun mi mga hermano y primo un goal lang tiene y el camino hende bien direcho , si ta escapa el bola , ta core pa abajo. Ya queda yo scholar de escuela Southern City Colleges y mi coach si coach Ednie Morones. Ya queda duru mi kuerpo kay el training diamun bien sobra, como subi kame na iscalera del iscuela hasta 4th floor subi y abaja,  core na camino y regaños para entende y queda serioso na juego . Na Manila mas grabeya el training, hasta nuay mas yona hora ta come pero bien challenging este .Mi position na juego   point guard. El teams que ya juga yo , FEU, Nlex DLeague, RP youth team, aki palang expiriensa, tan deficil ya yo anda na practice na un team para na otro team , el preparacion del mi cuerpo, el muntada del jeep na un lugar para na otro destinacion y el adjustment con el mga otro  players, Pero por caosa quere gayod yo gueda un PBA player, ta resa yo con Dios era nomas lang yo emperma, Ya liga el tiempo que tan offer ya conmigo na PBA, alyi otro sueño yo ya tiene kay ta pensayo con el mio futuro, como un basketbolista, ya saka conmigo el team Global sport y alyi con ese situacion ya ase mas puerte mio preparacion para na juego. Diciplinana  comida hende abusa y trasnotia y pirme pensa este mi trabaho hende permamente. El otro mga teams ya jugayo Barako Bull, Phoenix Fuel Master, Purefoods y San Miguel.  Nuevo lang kame yan champion.  Mi mga coaches na Manila,s ila coach Glen Capacio, coach Bert Flores, coach Nash Raseda. Coach Boyet Bautista, coach KoyBanal, coach Jason Webb, y coach Leo Austria. Ya quede yo na mythical 5 selection , UAAP MVP award . PBA Dleague mythical 5, RP youth Philippine team. First PBA all star team.

Mi familia y mi anak el mi inspiration , ta dale yo hora para man bonding kame . Mi consejo na otro mga basketball players y otro sports.. “no para suña! “y ase cosa el amo . El un player necesita hende le entra na mga mal bicio kay dituyu pensamiento pati el cuerpo queda hende aliniao, come cosa para bien na cuerpo y man barbell que puede le usa puersa na juego, pirmi tambien acorda cun diatom mayores, pariente y amigo kay hente kita hasta cuando talyi na puesto y debe mga Zamboangueño man ayudahan kita… Este año miembro yo del Champion team el SAN MIGUEL ya gana na PBA Philippine Cup.” (By Elong Natividad)




Related news items:
Newer news items:
Older news items: