My Google Page Rank

El Sueño di Arnold

PDFPrintE-mail

Ta presenta yo con ostedes este otro buen basketball player de di aton ciudad...

"Yo c Arnold Santiago Contorno, 46 año .conosido como si “nold” . Mi mayores si  Antonio Pepito Contorno y Bernardita Bucoy Santiago . Mi 2 Hermano si Anthony  y Frederick, mi Hermana si Ma. Sheila y si Sheila Fabe Quiza el mi esposa, diamun 3 anak si Kurt Michael, Keith Marvin y Kent Matthew Q. Contorno.

Ya gradua yo elementaria na Tetuan Central School, High School na Immaculate Conception Archdiocesan School y na colegio  ya gradua yo  BSC, y ese tiempo varsity yo na Southwestern University del año 1994. Ya saka yo masters degree y ya gradua Business Administration na Ateneo de Zamboanga University.

Ya principia yo juga na edad 14, third year high school ya y nuay yo pasa try out, ya anda yo como dayaw na mga otro lugar y entra na tournament na mga inter-barangay y ya queda yo MVP na junior division. Na edad 16, ta juga ya iyo na commercial league el team Myrnas bakeshop na zamboabga donde si coach Elong el tan coach. Ya insiña le canamon el mga basic techniques n plays na basketball, con confiansa ya liba le conmigo na Cebu City y ya queda yo na mythical 5 na national game na Bacolod. Practice el importante para queda buen player, determinacion y diciplina debe acorda kay alyi puede kita tene direcion para consigi el sueño y queda el champion tambien anda na otro lugar.acorda el palabra “There’s no glory without Sacrifice!“  Ya queda yo player de Philippine Basketball Leaque (PBL) Casino Rubbing Alcohol y Redbull Energy Drink. Ademas ya trabaja yo como salesman na Philip Moris & Sterling Tobacco Company. Ta juga yo point guard y off guard.

Estaba salesman, ya decidi yo bolbe na Zamboanga y ya trabaja na Immaculate Conception Archdiocesan School como el Dean of Discipline y Coach del Senior team despues yan  promote conmigo como Human Resource Manager.

Por amor na basketball, ya bira yo na Manila para trabaja  na  University of Batangas, y presente yo el Head Coach de basketball na high school y Colegio. Basketball el mi alegria.

El persona que yan motivate conmigo pormedyo del televicion, unu ya mi idol si  Michael Jordan. Na basketball, ya tiene yo mucho expiriencia y el chansa para anda na mga otro lugar donde ya omenta mi saber na juego. Ya  puede yo tambien anda na otro nacion para juga basketball.  Puede yo abla que grande el ayuda el sports kanaton mga atleta. Ta beneficia kita mucho para na educacion,  libre el studio y ayuda para na diaton mayores. Mi otro coaches antes puera kun coach Elong, si  Bobby Inoferio, Jessie Sullano, Willie Generalao, Rudy Hines y Jimmy Mariano.

Mi familia, mga anak el mi inspiracion na vida, porque cuando ya subi ya mi nombre na basketball ya tiene ya yo mujer y mga anak. Con el ayuda del  familia y que tiene kita abilidad y potencial, ya queda yo el kosa yo ahora.

Mi consejo con el mga bata y vivientes que no perde esperanza na kosa diila ya eskuhi juego kay taki se na diaton kuerpo  si kosa kita queda na vida . Hindi se  el rason para sangga el ambicion que quere kita." (By Elong Natividad)




Related news items:
Newer news items:
Older news items: