My Google Page Rank

Juego y Alegria hunto con Jong

PDFPrintE-mail

"Iyo si Jayson F. Cariaga 51 años el edad, mi mayores si Fernando cariaga y Julieta  Cariaga. Mi Hermana si Svetlana, y Marie Belen, hermano si Lawrence y Eymard. Mi esposa si Remedios Cecilia Carnero y diamon anak si Givency Nicole Cariaga. Ya entra yo scuela na Claret College of Isabela and College na Ateneo de Zamboanga University. Tiempo de high school kme junto di Olivo, Edwin Barandino, Danny puno tan practice kme mga drills, plays, shooting, man jogging y mira Nba games. mi high school team el Phoenix, amo se el pirmi ta gana na mga liga na  Isabela City. Mi idol si Kareem Abdul Jabbar y Magic Johnson del Lakers y ta copia yo mi juego kun Ramon Fernandez y Abet Guidaben. Del tiempo teenager yo ya queda yo mythical 5 y ya tiene 10 awards na basketball tournament na Isabela City. Miembro yo de champion team de Phoenix, Friends y Friends Buddy Team. Na Zamboanga unu tambien yo na team Atty Ferrer Law office quien ya saka el titulo de campion na Golden boys gel 2012.

Aki na Zamboanga presente ya hace yo mga liga. Ya queda yo consultant de team Zamboanga que ya participa na invitational  tournament de Siocon. Tambien el di Manny pacquiao invitational basketball tournament donde si Junnie Navarro ya invita conmigo. Para man junto na grupo. Junto kun  consejal Elong Natividad ya invita canamon para representa el Zamboanga All Star team. El Sports para conmigo es Vida ! este mi alegria, ta alibia diatun cuerpo y tiene buen salud. El mga liga que tan promote iyo  ta dale conmigo el camino para conose diferente hente, buen amistad na unoy otro y alegria. Pormedio de este mga promocion ta ase yo, el mga players ta continua queda mas bueno juga y ta puede dale mira cun el mga vivientes de aki y de otro ciudad. Alyi tamen ta anda aguellos ta saka players para juga na diila lugar, para na mga managers del mga team que ya entra na mi liga gracias gayod con el comfiansa ya dale ustedes para queda posible este mga liga ta ase yo. Siempre con el mga referees que ta suporta dimiyo liga  para bien del diaton Cuidad, el mga coaches, siguidores y sponsors del mga teams gracias for el cooperacion ya dale ustedes para acaba el juego buenamente.

Mi consejo na mga jovenes que tiene el abilidad, potencial para queda un player na maskin kosa klase de sportes, dale mira el amor na kosa tu alegre y quere hace  kay una bes lang kita ta pasa pagka joven, mientras talyi diaton mayores o tiene consierne para dale ayuda, saka ya kita el oportunidad para algun dia tiene kita kosa ya puede contribui na diaton cuidad, El Zamboanga City.

Ta pasa yo este anuncio que tiene kita inter barangay basketball tournament na April 2017. Otro mas detalle, buska lang conmigo na Golden boys gym." (By Elong Natividad)




Related news items:
Newer news items:
Older news items: