My Google Page Rank

Rey el 3 puntos “Tirador”

PDFPrintE-mail

Ta introduce iyo cunostedes con un buwen 3-point shooter na juego de basketball akin a Zamboanga.

“Iyo si Reynaldo A. Matondo 5’10" el altor 53 años de edad. El mga hente conose conmigo si Nonong, mi mayores si Martial Atilano Matondo Y Abundia Alabata Alagasi 7anak, si Rose, Virgie, Tess, Marivic, Rodolfo y Maricel. Mi mujer si Dulce Amor Peñaflor y mi unica iha si Griyneth Chelsea Anne P. Matondo. Ya gradua yo elementaria naTetuan Central school, High School y Colegiona Southern City College na curso de BSC Accountancy .

Ya principia juga este juego na edad 10 año, junto con el mga primo  visinos mio na waray Tetuan,  entraychera, lodo y na cucalan. Cuando chene ligana Tetuan Central School mi tata uban si Ronald Salih ya saka sila conmigo para juga na diila team el J.R.S  . Ese tiempo ya puede ya yo mira kay bonito gale queda un basketball player kay mga rico y pobre ta puede man hunto durante del juego y ta queda conosido na diamond lugar y na barangay Tetuan. Alyi ya disidi yo este ya el juego el juga yo para puede yo gradua hasta na Colegio. Durante ya entra yo escuela na Southern City High School, ya saka derecho conmigo si Coach Rey Macasinag, ele ya insiña mga drills sistema na juego, abla le pone el confiansa con el cosa tan practice, No tiene miedo si hende entra el bola pureso ese el cosa no puede yo ulvida, Coach Susing Alonso tamen na Medica team, licensiao yo para sico sa hora quere durante el juego. Cuando na colegio ya yo, mas bonito ya para juga kay el mga star players de Zamboanga talyi tamen ta juga. Candacruz, Miranda, Nasser, Cariño, Andico, Flores y mucho pa. Excited yo kay hende dificil para buska con el player para ase shoot kay todo bueno. El training hende broma ta acorda yo ahora kay ta manda core canamon 20 rounds hasta na 5th floor apuera pa el mga drills . Este expiriencia que nungka el perde na mi pensamiento. Si Elong Natividad tambien ya queda diamun playing coach donde ya puede yo ace 12 times 3points. Yaga na kame contra Dipolog . El mga Award ya recibi yo amo el MVP, Mythical 5, Best guard, y el Best in assist. Akaba yo gradua,  iyo ya tamen ya queda coach de Southern City colleges. Mi player si Chico Lanete ahora talyi ya na PBA ta juga .

Apuera del basketball ya quede iyo Salesman de Zuelig Pharma. Presente yo un negociante de mga groceria, mi consejo na mga players. Puede usa el abilidad para gradua y puede anda na otro otro lugar. Igual conmigo ya invita para juga para Manila el referee de Cebu si Boy Morillo pero nuay yo accepta kay mas importante akel tiempo el mi estudyo.” (By Elong Natividad) ###




Related news items:
Newer news items:
Older news items: