My Google Page Rank

Pencak Silat… JEFFERSON

PDFPrintE-mail

Este persona que ya ace yo intrevista es un expert na Pencak silat, esta un clase de sports que ralo lang o ba kanuay pa ustedes uwi. Conose kita conele.

“Yo si Jefferson Rhey Abilay Loon, ta llama sila “Jeff o  Wawad”, 23 años de edad , nacido de Zamboanga y presente ta estana San Roque. Yo uno del anak di Luperio C. Loon y Elma A. Loon na 5 anak diila. Mi hermano y hermana sila Jerran Rain, Junelmarie, Prince July y Jhon Augustine Loon. Ya estudia yo elementaria na San Roque Elementary school, Secondaria na Don Pablo Lorenzo Memorial High school, y colegio na Western Mindanao State University del 2015, BS mechanical Engineering .

Ya puede yo discubri que tiene gale este clase de sport es Pencaksilat, y ya queda yo interesao aprende y tiene amor na este juego. Ya principia yo man practice del edad 12. Ya ginda yo naCombat Categoria de este juego que ta llama sila Pertandingay or Tanding . Dos persona el ta compete y saka puntos pomedio na take down, kicks, sweeps, scissors, and punches para gana na match. El mga persona que ta ace conmigo discourage y ta mal abla con este clase de sportes el ta dale conmigo el animo! challenge ta abla kita para porsigi na un kosa que ta mira kita bueno .

Ya recibi yo honor po rmedio de  mga juego que ya enta iyo, El primer Philippine National game na Bacolod del 2001, class C male 55-60 kg, ya saka yo el medalla de Silver. El Segundo Philippine National game na Dumaguete del 2012, class D male 60-65 kg, ya saka yo el medalla de Gold.  Philippine National game na Pangasinan del 2016,  class D male 60-65 kg, ya saka yo el medalla de Gold. Y el International Asean beach games 2016 na Dimang Vietnam, class D male 60-65 kg , ya gana yo y saka el medalla de “Silver”. Puede yo abla para conmigo este Pencaksilat complete klase de sport es comparando na otro, hende lang na todo contact combat tambien el su Unique techniques de peleya .

Por medio na mga sportes, ta desaleja kita na mga mal bisyo como el droga, y ay tiene kita buen salud. Mi coach si sir Rommel Bernardo, ele mi mentor que yan trained conmigo para queda victorioso. Un bueno coach que ya conose yo. Cansao man el trainings y practice sessions pero alegre, mi paborito parte el sparring session .

Mi inspiracion el mi Familia, mga amigos amigas y mi nobya . Mi consejo na mga players. No entra na mga droga phohibido, kay este el destrosa diatom futuro. Ta rindi yo gracias con coach Rommel Bernard, el PencakSilat  Zamboanga Team, por medio del ayuda de City Sports Funds Zamboanga. Ta invita yo con mga jovenes que quiere aprende este clase de juego ky ta puede este ase como protekcion na diatun cuerpo, tambien ta puede usa siquere el curso de criminology. Tiene kita el Learn to Play programa de govierno ahora April 15, 2017 para registra. Na City colesium buska lang cun Dr. Cecille Atilano.”

Inter batch basketball games on Sunday april 2, 2017  venue: Ateneo MPCC La Purisima

9:oo am    98 -vs- 94                   ’11-vs- 05                            12:45 pm  83-vs-89                    ’10-vs-06                                                     10:15 am  97 -vs- 95                   ’02-vs- 03                              2:00 pm  78 -vs-GE                   ’09-vs-07                                                  11:30 am  96 -vs -90                   ’01-vs -08                              3:15 pm   84 -vs-GR                  ’12-vs-04                                                        This is reached so the first round of elimination will be done. The original schedule will be moved to the last date of the eliminations.Thanks . - Jimmy Santos& Bryan Abajero. (By Elong Natividad)




Related news items:
Newer news items:
Older news items: