My Google Page Rank

Albert Aquino Salcedo El sprinter de Zamboanga

PDFPrintE-mail

Este si Albert  Aquino Salcedo, 35 años de edad, soltero y residente de Baliwasan cuidad de  Zamboanga. Ta llama conele si “Bert”. Ele anak de un maestro y maestra. Su mga hermano y hermana sila Eugene, Jesus, Daniel, Raymond, Edgar, Aileen Joy, Ronald y Carla Salcedo.

Ya gradua  elementaria na Baliwasan Central school, secondaria na Zamboanga City High School Main, y colegio na Western Mindanao State University na curso de Bachelor in Physical Education. Ya continua su studio para saka MA units na De La Salle University na Taft, Manila. Este su istoria.

"Durante del ta estudia pa iyo edad 8 ya quiere ya yo queda un runner de track and field . Del año 2005 unu yo del mga sprinters aqui na Zamboanga na 100 m dash, 2nd runner na relay, y ya participa na mga athletics event na otro lugar, ya gana yo contra con el mga fuerte na Philippine team y ya competi yo como representante de Pilipinas na Hongkong, China, Singapore, Malaysia, Macao, Taiwan y Thailand. Mi mga coaches si Jesus O. Tubog Jr. na local, si Joseph Sy y Fil am coach Jerry Cablayan del Philippine team  el mi coach na International games. El persona que yan motivate conmigo amo si coach Jesus Tubog Jr  quien yan train conmigo yan qualify yo para na national open. Ya puede kame man set el Philippine record del 4x100 relay, y gana el gold. ya queda yo the fastest man del mi tiempo. junto con mi mga uban na local Zamboanga  track n field team si Joel Pales, Albert Jalandoni y Elong Natividad Jr. Na national El Animo De la Salle y  International Team Philippines. Todo teams ya entra yo todo champion teams.  Junto con el otro atleta debe tiene confiansa y el moral ,  debe practisao , speed , endurance, flexibility, power y stamina , el time especialmente na 100m dash sprinting que amo el pinaka high light na Olympic games.

Presente taki yo na Arm Forces of the Philippines como coastguard na K9 unit. mi inspiracion na vida el mi familia .Mi consejo na mga Joven atleta uno ya el disiplina, focus na training, no man bisyo, resa con Dios para el guia kanaton, tiene buen direction na vida, y tiene el animo, confiansa para queda possible el sueño."  (By Elong Natividad)




Related news items:
Newer news items:
Older news items: