My Google Page Rank

TENPIN STRIKER WONDER BOY AUI

PDFPrintE-mail

Este el un storia que bueno para manda sabe cun el mga Zamboangueños kay disuyu mga mayores de aqui canaton. Que ele ahora ta ase nombre na juego de Bowling Ten Pin. Sila ta queda na  Mandaue, Cebu City.

Yo si Maurhic Ivan N. Padawan 22 el edad 5’11” altor mi palayao AUI mga mayores si Mauricio Astillo Padawan de pc compound zone 1 y mi nana si Vivian Natividad Padawan de Tetuan. Cuatro kame man hermano y Hermana el mga nombre si Marvee, Maurice, Mae Rose y iyo. Ya acaba yo mi elementaria y secondaria na Colegio de la Immaculada Concepcion. Na colegio ya acaba yo mio curso Computer Engineering na San Carlos University Talamban.  Ya principia mi storia de este juego cuando 7 año yo ta sigi yo na mga tournament que ta huga mi mayores y alyi mi curiosidad ya principia. Ta rempuha yo cun el bola, na casa diamon ta juga yo solo solo conese bola, hasta ya lega el tiempo ta puede ya yo gana tira cun el bola mi nana amo conmigo ta inciña paquemodo el largada del bola, porma, concentration. Na edad  12 años , mi mayores ta incluhi sila conmigo na line up como alternate player, mio nana el mi inspiracion kay amo ase su ejersicio y quere yo pirmi junto yo cunele, Mi vida bien simple lang sale na casa para na escuela acabar sige mi nana juga kame bowling, chene ves deficil kay pirmi tu juntu dituyu mayores y chene sila mga uban ta dura sila bolbe, pero nuay yo repinti, kay cosa yo ahora, tan alegria, hende te el socede si nuay yo sige cosa mi mayores ya inciña conmigo. El practice mio hende broma espescialmente cuando yan coach el legend del bowling ten pin si Paeng Nepomoceno conmigo. Cansao pero tan enjoy  yo kay cosa ta inciña amo tamen ta ase na torneo. El otro coach el ta ayuda tamen si Biboy Rivera, el sponsor del team Prima pasta. Na Cebu bowling tournaments y otro lugar na di aton nacion ya puede ya yo anda y participa juga y ya gana .Mi memorable mga juego el menciona yo. 2006 Cebu National Youth bowling Tour. 1st Leg Champion, Miembro ya yo del Philippine team…….Na International Games Singapore Open 2013 , 3 kame de Cebu 5 de Manila.Mga bowler tambien de otro nacion que ya juga este torneo, yo yan champion. 2012 BEVIDA International Open na Manila, champion yo, 2015 SM Millionaires Cup, moa Manila.  Youth category champion yo y mi nana yan champion na  senior category, back to back kame. National Bowler of the Year award Dec. 6  2016. National Sinulog bowling champion Jan. 15 2017.   Quere yo informa el juego del ten Pin bien diferente con el duckpin kay chene otro otro lane wood,synthetic y oiling patern, rome, montreal,30,42,50 y el tirade na step,arrow,board by board, mucho necesita para ase ajasment el pensamiento tamen aki el cansao, pero todo se hende imposible, dispensa  lang conmigo kay nuay pa iyo puede huga alyi canaton na Zamboanga. Porcoasa nuay torneo de Bowling Ten pin .

Miyo consejo con aquellos quere queda buen player, no lang apura, kosa el mayores el conseja sigi y nesesita deciplinao, tiene buen amistad, pasensya , na todo kosa que ta ase. Durmi y come ha justo hora . revisa el kosa ya abla el coach si lega na casa y no ulvida resa con el Senyor .    (By Elong Natividad)




Related news items:
Newer news items:
Older news items: