My Google Page Rank

El Enginero Basketbolista

PDFPrintE-mail

Este si Alwyn K. Absari, ta llama conele el otro na palayao Awing o Abs. 48 años de edad, nacido aqui na cuidad de Zamboanga. Su mujer si Josel Absari, y tiene sila  4 anak, si Wynselle, Aljoree, Rashid, Alwyn II. Su mayores si Col Pineda J. Absari Al-hadj y si Mussah K. Absari. Mga hermano y hermana si Alwyda, Almyda, Imelda, Abdelmitzra, Maureen, Al-ghaffar, Sitti Nadia, y Al-amin.

Ya studia le elementaria na J-Jireh Yellow Beach School, secondaria na Zamboanga City high school main, y colegio na Western Mindanao State University con el curso Civil Engineering del  año 2000 .

Asegun conele, "Del tiempo ta estudia palang iyo del grade 4 ,ya quere yo juga basketball, ya entra yo na 3 on 3 na J-Jireh Yellow Beach school . Ya queda yo player del team Myrnas Bakeshop donde mi  coach si Coach Elong Natividad , ta acorda yo  ya manda kanamon subi abaja na 5th floor del Southern City Colleges School , y estaba Myrnas man jog para Divisoria ahora IBT ya . Memorable tambien el anda came baña pero no sabe que man jogging gale  para Arcillas beach y man training came na agua . Bien alegre yo que uno yo del 15 players que ya puede pasa na try out del serka 100 que ya participa . Ta rindi yo gracias cun coach Elong .  Mi mga uban na team  si Nonoy Falcasantos , Jayboy Mendoza, Ronald Parel , TJ Tamsilani , Edwin Quitane , Arnold Contorno,  Dodong Mosqueda y Nestor de la Cruz  . Ta dale gayod yo tiempo mi studio y el juego basketball . para  conose otro player ,tiene mga amigo, ejersicio para na kuerpo y buen salud.  Yan lisud yo na practice kay 5:00 hasta 7:00 del noche, y mi curso engineering ta nesesita hora  para estudia, desperta temprano y ase otro obligacion . Pero nuay este queda el rason para conmigo porque si quere kita el un kosa nuay imposible . Power forward y tiene ves center el mi posicion na basketball . Para conmigo alegre yo que ya queda yo un buen basketball player del tiempo joven pa iyo. Ahora como un enginero ta trabaja yo como un Project Engineer na Central East Coast, Arena Blanco para Mariki. Como un tata yo ta dale el todo suporta na mi familia especialmente el estudio de mi mga anak  . Ta abla yo canila que no ulvida resa y pidi gracias con Allah para el guia canaton pirmi." (By Elong Natividad)




Related news items:
Newer news items:
Older news items: