My Google Page Rank

El 'Iron Man' del ciudad - Alvin

PDFPrintE-mail

Este si Alvin delos Santos, 46 años de edad, un residente de Guiwan, Zamboanga City. Ta llama conele si “vin”. Su mayores si Alberto Villanueva de los Santos y Concesa Diantan Delos Santos. El hermana si Brendalyn,  hermano si Michael y Roderick. Su esposa si Diwa Alegada Delos Santos. Tiene sila 2 anak si Ma. Dessa y Albert Ian Delos Santos. Ya gradua le elementaria na Canelar Elementary school, secondaria na Zamboanga School of Arts and Trade y colegio na Universidad de Zamboanga na curso BS Criminology.

Este su cuento.. "Cuando bata yo mi alegria el karate, pureso yan enrol yo na Arjuka karate club. El diamon Instructor si Baltazar Rojas y  na trade gym kame tan practice. Ese tiempo mi idol si Bruce Lee hasta ya queda yo black belter. Un dia mio lolo libando el news paper y ya dale mira conmigo kay si Jimmy Sebastian de Zamboanga el ya gana na Sea Games 1987. Abla conmigo porque tu hende pruba este clase de juego ciendo chene tu el grandor y fuersa para alsa con el mga yero. Alyi ya pensa yo tupao  mi abuelo, yan try out yo na weight lifting mi edad 17 años y primera año na Colegio. Mi coach el ahora Councilor Bong Atilano, ya saka le conmigo para juga con el AE team.  Tan practice kame todo dia, grabe mio sacrificio, Ya gusta yo con este juego kay bueno ejersicio para na mi salud y ta suda yo pirmi y siempre quere yo gana. 1992 to 2005 miembro yo del Philippine team.  1989 ya principia ya yo gana na National competicion el categoria ta juga yo  el Super heavy weight division 105 +hasta 2005. Yo el tan champion. Na International competicion Sea Games 1995 1 Gold medal yo na Chang Mai Thailand, 1997 1 Silver na Indonesia, 1 Bronze na Taipei invitational 1997, 1bronze del 2001 na Malaysia, 1 Bronze del 2003 na Vietnam. Mga awards que ya recivi yo PSA Award Weight lifter of the Year 1996, Scoop Award  Media 1996 .Hasta ahora iyo el record  holder del super weight category.  Yan coach yo na Philippine Team 2006 to 2012, 2013 y presente regional coach yo, porcaosa de este juego ya queda yo emleyado de govierno como un Air force Soldao, mucho mga expieriencia que ya puede tiene y grande el ayuda conmigo y mi familia como soldao. Ahora retired ya yo na Air force, Ta guia yo kun mi mga anak y inciña yo con el mga otro bata kay quiere yo continua el legacia que ya principia kame mga Zambuanguenos. Ta consejo con el mga jovenes que entra sila na de este clase de sportes el weight lifting."   (By Elong Natividad)




Related news items:
Newer news items:
Older news items: