My Google Page Rank

Karatedo Tiger - Felix

PDFPrintE-mail

Este si Felix Graciano Balan Jr., 43 años de edad, residente de Putik, Cuidad de Zamboanga. Ta Llama conele si “jung jung”. Su mayores si Felix Cruz Balan Sr. y Teresita Delos Santos Graciano . Su hermano si Romel y  hermana si Mayrose y Bella . Su esposa si Nancy Midel Balan y tiene sila 3 anak si Jose Felix, Nadine y Nesryn M. Balan . Ya gradua le elementaria na Tetuan Central School , secondaria na Zamboanga School of Arts & Trade . Ya saka le Civil Technology (Plumber General)na antes Zamboanga AE Colleges . Y gradua colegio na Southern City Colleges con el curso BS Business Administration major in Financial Management . Ahora ta trabaha le na Regional trial court branch 33 como Sheriff IV.

Su Kuento... "Ya tiene yo interes juga karate 13 años mi edad con Sensei Felix de Gusman. Este tiempo hende pa gayod yo serioso na mi practice, mi mga Idol si Jean Claude Van Damme  y si Bruce Lee. Cuanto años ya pasa ya pensa yo man transfer na otro karate club,  Ya entra yo na Conjuka junto kun Sensei Stephen Siko Tan. Istricto man pero na lugar, quere ele na porma pa lang  nervia ya el contra y el mirada como aguila el ojos hasta ya queda yo edad 18 . Yan promote conmigo black belt.Ya combia ya tambien yo club,kay ta pensa yo na mga grande torneo necesita tambien yo tiene  abilidad de cahida y mano pichida . Pureso yan enrol yo na Central judo Club el sensei Koji Sato,  ya queda yo miembro de  judo team del Zamboanga. Ya participa kame competicion el KASALI National Championship del 1992 y el National judo competicion . Este tiempo ya queda ya yo complicao, kay diamon founder na Conjuka Master Louie Rubio ya acepta el posicion como Regional Director de Taekwondo. El mga miembro del Conjuka ta juga ya tambien na Taekwondo, Pero mas comportable yo na karate contra con el otro juego yo ta juga. Ta pidi gayod yo gracias con Shihan Otto S. Antao Sr.  kay ele el persona ya ase posible para acepta conmigo na Karate Association.  Hende lang ese,  ele tambien bueno maestro que ta ase todo manera y pasensya para aprende yo y el otro estudiante.  Ya guia le conmigo como tata. ya dale chanse conmigo para representa el Zamboanga City na Mindanao y National Karatedo competicion. Ya puede tambien yo dale mira con el confiansa ya dale conmigo, ya gana yo medalia na” kumite , Kata” para diaton ciudad. Qualified yo y ya queda miembro del Karatedo National Team  2002 - 2004. Del 2005 ya tiene evaluation para juga na SEA GAMES.  Aqui na Pilipinas el juego ya ase. El Italian coach Pepe Romano el ta aguanta canamon. Mucho expiriensia ya tiene yo y ya omenta mio abilidad mga sistema,timing y mobida ahora ta puede gayod yo usa na mga insiñada mio con el mga studiante, porcaosa coneste juego mocho yo ya conose de otro lugar el alegria yo ta pensa de antes ya queda un cosa na mi vida, que no puede yo ulvida . NSA  licenciao referee  A yo, onde onde lugar el ta anda yo man referee na juego de karatedo. National Prisaa  2016 ya ricivi  yo award Best referee na karatedo.  Este Mayo   na Learn to Play programa del Govierno local, ta insiña tambien yo, ta ayuda yo con el mga bata young tigers dojo na Putik Barangay. Mga players mio que ta ase nombre ahora ,si  Mark Jayson Solomenio,Mila Grace Balan, Jeremiah Serabia, Nesryn Balan,Patrick Mel Luciano Jose Felix Balan jr. Todo te sila tan champion ya .Mi sueño era puede yo ayuda produci player queda champion na  National y International. Nuay imposible si justo el preparacion deciplina y sistema . No olbida resa con Dios na todo dia trabaho diaton."

ATENEO INTER ALUMNI BASKETBALL TOURNAMENT

Games for Sunday April 9, 2017    Venue: MPCC Ateneo Main La purisima

9:00 am   ’09    vs    ’03

’96    vs   ‘92

10:15am  ’10    vs    ‘02

’98    vs    ‘FS

11:30am   ’11    vs   ‘12

’97    vs   ‘91

12:45am    ’84    vs    ‘89

’90    vs    ‘94

2:00 pm     GR     vs    ‘78

’95   vs    ‘93

3:15 pm      ’80    vs    GE

’00    vs    ‘99

Submitted by : Jimmy Santos & Bryan Abajero  (By Elong Natividad)




Related news items:
Newer news items:
Older news items: