My Google Page Rank

Roy - Basketball Coach de Joven

PDFPrintE-mail

Este si Roy Decheta Lim , 40 años de edad , tiene altor de 5’5” y residente de Cabato Road, Tetuan Cuidad de Zamboanga . Ele anak di Robert Lim Y Teodora Decheta .  Su hermano si Robert Jr , Glenda , Geraldine y Gemma . ya gradua le elementaria y secondaria na Zamboanga Chong Hua High School y colegio na Western Mindanao State University .

Este su istoria... "Ya principia yo juga este juego na edad 14 años , pero cuando mas bata pa, chene ya yo amor con este juego kay ta mira yo mi tata y el mga otro mga hente alegre sila ta juga. Alyi ya sinti yo kay quiere yo queda un coach porcaosa ta evalua yo con el juego paquemodo si iyo el diila coach del team. Un dia alyi na diamon escuela na Chong Hua ya tiene liga y ya juga yo como point guard y off guard posicion. Ta analisa yo si onde puede dale con el bola facil mio uban para man shoot. Mucho expiriencia ya tiene na mga teams que ya juga yo y yan champion tambien . El coach ya puede motiba conmigo si Coi Banal de manila ele el insiña el mga moderno stratejia ,set plays, Training y mucho pa. Pormedio de este 2008 ya principia yo conduci Summer Training cun mga Bata que quiere aprende Juga basketball  especialmente aquel mga estudiante del escuela tan coach yo el Claret School. 6 dias el training y mañana el recognicion day del mga bata que ya atende el summer training 2017 alyi na Claret gym el ase . Todo este ya queda posible porcoasa mi mayores kay sila el ta guia conmigo para ase mga bueno cosa na mio vida. El dificultad ya tiene yo expiriencia cuando el director del escuela ya pidi conmigo personal, kay necesita kame man champion ese año na Milo Pasarelle , hende broma el attencion que ya dale yo hunto con el mga players ya ase kame posible con el ganacia diamon yan Granslam champion el mio team y hende lang ese ya omenta pa, kame ya queda 5 times winner ,el record diamon na lega del milo pasarelle 2010, 2011, 2012, 2013, 2014, cuando 2010 Regional Milo Pasarell Champion.  Na torneo tambien del NJC inter-school National Basketball Champion  5 times  2010-2014 . Na 3 on 3 batang pinoy national champion December 13 , 2011. Como un coach bien ancias  y curioso pa yo siempre con este juego kay sabe yo mucho tambien bueno inciña y ta istudia de basketball . Ta pidi tambien yo gracias con el mga promoter diaton aqui na ciudad, kay ta tiene buen liga y alegria. Mi consejo con el mga Jovenes nomas man discorage el custumbre el bien importante  na un persona, el cosa tu quere hende se puede ase na un año lang. Un Clarician padre si  Fr. James de Castro ya dale privileyo  liba conmigo na mga otro lugar para aprende mas .  Tan champion tambien mio team si ta anda kame na otro lugar .  Ademas tan  negocio tambien yo. Todo se cosa ta pidi yo con mi mga players  que no ulvida resa con dios para  guia canaton."  (By Elong Natividad)




Related news items:
Newer news items:
Older news items: