My Google Page Rank

Basketbolista pivot man, Nestor

PDFPrintE-mail

Este si Nestor Clemente Manalansan 45 años de edad, 6’1” el altor y residente de Santolan Pasig, Tetuan Highway Cuidad de Zamboanga . Ele el anak di Dominador Manalansan y Fidelina Clemente . Su hermano si Dominador Jr, Nolan y Hermana Si Joy y Jean. Su mujer si Ma. Gina H. Manalansan y tiene sila 3 anak si  Jo Loren, Joshua, Y Juliene . Ya gradua le elementaria na Saint Joseph School , secondaria y colegio na Ateneo De Zamboanga University .

“Mi storia na basketball  ya principia alyi na Marquez Drive, Tetuan Barangay. Cuando bata pa yo ta uwi ya yo mga bueno players de Tetuan espicialmente de Northside  como canda Boy Marques, Efren Bucoy, Po Cartin, Jerry Soriano, Bai Cristobal y mucho pa.  Pero kay ta queda yo cerca na Holy Cross Santa Cruz alyi yo ta anda juga na basketball court de chera y chene ves ma agua y malodor,  ta juga kame junto con mio mga bisinos como si Ramil y Swatong  Mohamadsali  tambien mio mga hermano . Akabar yo  gradua na elementaria na Saint Joseph escuela, ya pidi yo mi mayores kay entra yo na Ateneo 1st y 2nd year. Nuay pa yo man try out para queda varsity player , ese tiempo ta anda ya yo juga na Tetuan Central School kay alyi el mga bueno atleta juga basketball . Todo año chene liga alyi na escuela , ese tiempo ta obra ya yo pero ta tenta lang conmigo mio mga uban kay mi juego pang barangay lang . Pureso cuando 15 años mi edad ,3rd year yo yan try out yo y ya saka conmigo si coach Elong Natividad. Junto yo ta juga con Raul Sontillano, Pong Rivera, Swatong  Mohamadsali,  Ricky Sarsaba y Jayson Mendoza . Mga Tetuanos  tambien este sila y yan champion kame na liga el team Bulls Eye. Mi idol si Hakeem “ The Dream Shake” Olajuwon,  ta copia yo el disuyu ball head fake pati el step shoulder fake y spin del bola na board. Mucho team yo ya juga y yan champion aki na Zamboanga, Basilan, Ipil,y  Prisaa meet. Yo na juego ta juga center y power  forward,  favorito mio ricibi el bola na shaded area, nuemas drible,  yo alyi ta extende ya lang mio pies y mano para na goal cun spin el bola. Durante ta juga yo na Ateneo hasta ahora taki pa na mi pensamiento el  sacrificio ya pasa yo,  core na back field 40 rounds , hasta 3rd floor del buiding abaja y subi , na camino core y na grandstand. Ahora ta puede yo abla bueno este mga expiriencia ya tiene yo, ta puede yo usa na mi trabaho . Aquellos quere queda buen player , pone na pensamiento NO PAIN, NO GAIN y hardwork and patience beats talent. Este el clase del juego necesita gayod cooperacion del unoy otro. Presente ta trabajo yo na un Lending aqui na Manila como driver . Otro ejercisio dimiyo el tan bisicleta yo  para represca y bueno na mi salud. Siempre dale ora para na familia y tiene buen direcion na vida". ( Elong Natividad)




Related news items:
Newer news items:
Older news items: