My Google Page Rank

El “INCREDIBLE HULK ” DE ZAMBOANGA… MARIEL

PDFPrintE-mail

Este si Mariel Garganera  46 años de edad, Tiene altor de 5’6” y residente de Divisoria ,Cuidad de Zamboanga .Su mayores si Rogelio Y Aurora Garganera , tiene le un hermano y 4 hermana .  Su esposa si Ligaya Quijano y diila mga anak si Marielle Noriel y  Reil Marielle . Si mariel ya gradua elementaria na Zamboanga East Central School , secondaria na Zamboanga City High School West y colegio na Zamboanga School of Arts & Trade del 1992 con el curso Marine Engineering .

“Cuando bata pa yo nuay pa piho mi alegria si cosa el juego yo huga , cuando yo ya entra escuela na City high school 14 años  mi edad alyi ya principia yo huga boxing kay ta mira yo na tv bonito si mapuersa el ta bombia, el mi coach si Arsenio Nuevo y el Manager si Ely Enriquez ele el chief del mga Police. Alya kame tan practice na police station y ta alsa barbel para queda mas mapuersa, ya liga el Tiempo yan fight yo alyi na plaza pershing el ring del boxing. Ya gana yo pero ta sinti yo hende este juego que quere yo. Ya pidi yo permiso con mi coach y mi manager si puede man body building ya lang yo. Ya ase yo serioso mi practice. Ya transfiri yo na Santiagos gym na Baliwasan, kay cerca na mi escuela.Na colegio, ya entra yo escuela na Zamboanga Shool of Arts and Trade. 18 años mi edad, alyi ta queda mas grande mi cuerpo.Un dia ya ofrese conmigo para insiña na Sweat it out gym del 1991 como  instructor. Ya queda tamen yo Intructor na gym de Garden Orchid hotel. El contodo deficil ya expiriencia yo na mi vida, el preparacion para na torneo kabar hende amo el decision ya ase el mga jurado. Pero nuay yo perde mi amor con este juego y ta pensa yo mucho pa otro torneo que tiene. Mi inspiracion na mi vida, amo mi mujer y mi mga anak. Que todo cosa yo ta ase para canila este. El mga medalla ya gana yo na diferente lugar el  Mr. Mindanao 1991 Cagayan de Oro , over all Champion Mr. Western Mindanao 2002 Zamboanga ,   Mr. Muscle Rage 2002 , over all Champion na Koronadal ,Champion Best Body Mindanao 2003 na Iligan , over all Champion Mr. Visayas y Mindanao Championship 2003  na Butuan ,National Champion Mr. Philippines 2003  na Cebu, International 4th placer Muscle Factory Bodybuilding Championship na  Kuwait 2009, Top 10 Bodybuilding Championship 2011 Kuwait, Silver medalist Hong Kong Bodybuiding Championship 2012. Ahora presente yo el presidente del Philippine Bodybuilding and Fitness Association aqui na Kuwait. Dimio uban desde antes hasta ahora hunto pa kame siempre si Mike Ramos, Dexter Lim, Romel Book instructor tambien sila aqui na Kuwait .El otro mi uban alyi na Zamboanga si Roque Sebastian y Clifford Ing. Yo ahora ta trabaja como Coach na Kuwait Sports Club y Bobybuilding coach freelancer na Platinum Health Club Kuwait. Nuay yo repinti ya escuhi yo este clase de sportes , deberas bien deficil gayod el diet diamon durante el preparacion para na torneo. Pero canaton lang se, si quere kita puede se queda posible . Y este el sportes que ta ama yo !  Gracias….    (By Elong Natividad)




Related news items:
Newer news items:
Older news items: