My Google Page Rank

Forthsky - Ojos y Mano de Aguila

PDFPrintE-mail

Este si Rence Keith Sean Paddit Padrigao, 15 años de edad, 5’11” el altor y residente de Tumaga, Cuidad de Zamboanga.

Conosido le na nombre "Forthsky". Su mayores si Magenelio Pereyra Padrigao II y Florence Manuel Paddit. si Forthsky ya entra escuela na Ateneo de Zamboanga University, ya queda le scholar de basketball na Adamson University  Manila Baby Falcon y presente grade 9 na Ateneo de Manila University.

Este su expiriencia...

"El mi storia na basketball ya principia 5 años mi edad, solo solo ta huga yo abajo na pono de sampaloc  kay mi tata ya ase jutay ring. Cuando ya manda conmigo entra escuela na Ateneo kindergarden ,alyi ya queda yo mas interesao. 7 año mi edad chene vez ta sige yo con mi uncle Jade Padrigao  na diila practice denoche como college varsity player ele, si ta descansa sila ta saka yo el oportunidad para man shooting y man dribble.Ya tiene yo conosencia cun coach Bobidick de los Santos y el mga teammates del mi uncle. Cuando grade 2 yan try out yo, ya saka conmigo para huga na SBP Ateneo de Zamboanga University, mi mga coaches si coach Bobidick Delos Santos jr , bien enjoy iyo ta huga kay na mi Corazon este ya gayot el occasion para dale mira kay quiere yo man sikat. Grade 4 ya atende yo el Advance Basketball Camp. El mga coaches de Ateneo de Manila University na Pasarelle, si Ron Camara ya man interview conmigo. Champion el Ateneo SBP por 4 cuatro años, mi mga team mates canda Rhyyan Amsali, Miguel Sahali,Jossier Hassan, John Escalante, Tony Alforte, Louie Oga, Aj Velasco, Mark Palileo, Arvin Lota, Peter Alfaro, Deelan Elum, Jec Pioquinto, Irvin Saipuddin, Shahid Tandih, Paolo Torres, Ashween Ali, Jethro Pamaran, Ramses Siason, Dan Galindo y Muzham Imlan….ya gana kame na city elimination, el coach del Adamon ya anda alyi na Zamboanga y ya conversa conmigo. Ese tiempo para larga kame para Regional Meet elimination,  ya gana tambien kame . Grade 6 mi altor 5`5 , ya huga kame na Palarong Pambansa na Laguna City. El team ZPRAA 3rd place kame, alyi ya conversa conmigo ole si coach Goldwyn Monteverde del Adamson ya man offer conmigo scholarship y mucho pa para sige lang yo huga para manila. Y pidi el permiso con mi Tata y coach bobidick de los Santos. Mi mayores ya decidi que sige ya yo para manila. Point guard el mio posicion ta na juego, aki ahora ta aprende yo todol dia , mga sistema de juego y con el mga uban mio na team. Mucho mga cambio que ase, pero alegre yo kay amo este el juego ta ama yo.    Pidi yo gracias con coach Bobidick De Los Santos ,ele el persona ya insiña guia y hace entende cosa el importancia del un point guard, el otro coach Rejhi Natividad, Kan Basiri, uncle Jade Padrigao, Gino Enriquez y aki na Manila si coach Goldwyn Monteverde. Mi accomplicimiento cuando na Zamboanga City pa yo ,4 beses Milo SBP Torneo Champion Ateneo de Zamboanga University, PSZCAA Torneo   Champion, Zamboanga City Regional Meet Champion, 2014 Palarong Pambansa na Laguna City 3rd Place Team ZPRAA .Cuando na Manila yo, alyi na Adamson University Manila Baby Falcons ,2015 Milo Pasarelle National Champion, 2015 MVP Milo Pasarelle National Finals, 2 beses 3 on 3 Gotskills regular tournament  13 under MVP yo. MVP Alaska cup 13 under mythical 5, . Adamson Baby Falcons(PSSBC, Gotskills 19 under , Adidas uprising, Milo pasarelle Nationals and regionals). Precente yo ahora el Team Captain del 16 under Batang Gilas Pilipinas. Grade 9 yo este abrida clase yan transfer yo para na Ateneo de Manila University….. Mi mayores  el mi prioridad pati siempre na Dios y el estudio …….

El mga coach de Zamboanga alegre kay mucho ya de aqui el ta ase nombre alyi na Manila y bien grande el ayuda que ta ase el local coaches na preparacion para na grande liga ai huga estos mga athleta de basketball y otro desportes tambien. Este el mga cosas que continua kita  ase. Grande ayuda tambien este para con el mga mayores, kay el diila estudio libre ,el quedada y otro beneficio.  Tiene buen direction na vida. Ariba Zamboanga!"  (By Elong Natividad) ###




Related news items:
Newer news items:
Older news items: