My Google Page Rank

Arnold - The Silent Operator

PDFPrintE-mail

Este si Arnold Ansaldo Oliveros, 39 años el edad, 6’2 el altor y residente de San Jose Cawa Cawa, Ciudad de Zamboanga. Conosido le na nombre ”Oli”. Su mayores si Gracialito Normadia Oliveros y Adelina Ansaldo Oliveros. Su mga anak si Andre Steven, Ashley Grace, Alyssa Macy, Arkin Mykel y Alexcy Misha Oliveros. Ya gradua le elemenrtaria y secondaria na Claret School y colegio sa San Beda College, Mendiola na Manila. Este su istoria...

"Mi istoria ya principia cuando 1st year yo na Claret High School . Ya tiene oportunidad para este juego pormedio del intramurals na diamon escuela, durante aguel tiempo el Claret escuela hende ta entra grande liga de basketball, el mucho ta huga soccer football kay amo este el desportes  ta entra sila grande liga. Pero iyo ya continua huga con este juego, chene ves entray ulan ta huga pa kame siempre kay quere gayot yo aprende. 3rd year high school ya sabe yo kay chene try out para na varsity team del Claret High School porcaosa  entra el Liga NA PRISAA. Con ancias yan try out yo y ya pasa hunto con Jason Sanson, Elmer Oporto, Jeffrey Milan, Reslie Yap, Ab Jalil y si Isidro Jañala. Na juego ya tiene kame alegria y conosiencia con el mga otro players de otro teams,  ya conose tambien  canamon na diamun mismo escuela. Mas yan practice yo solo solo, kay ya ambiciona yo un dia quiere yo queda igual con aquellos tan sikat na basketball.  4th year yo , ya participa ya tamen kame na PRISAA Liga y ya perde kame, pero si coach Pedro Alfaro ya saka conmigo para man hunto con el disuyu mga players kay sila el champion na private schools, hasta ya gana kame na Regional meet y ya representa kame  con el Region 9 na Palarong Pambansa na Cebu City. Mio team mates canda Ragin Amil, Nurbert Sahali, Arthur Coy, Brandon Leonardo, Ermil Morones, Bryan Abajero, Eming Alvarez, Boyet Omar, Mar Escudero y si Eddie Laure de Dipolog City (ya queda PBA player). Este el expiriencia mas ya pursigi yo continua el juego de basketball. Del colegio yo na Ateneo de Zamboanga  el coach mio si Ching Impe y coach Pedro Alfaro, el mio mga uban na team si Sabree Amil, Darby Lim, Rainer Yeo,Ed Jadon, Jung Jung Villena, Jover Alforque, yan champion na City meet el ZAEC pero ya saka sila conmigo. Mi team mates si Nestor De La Cruz, Cocoy Sarte, Onie Gallo, Ronald Gallo, Rechie Fabian. El mga persona ya queda parte na mi vida na basketball amo mio mayores , si coach Perdro Alfaro y el ya liba conmigo na Manila y yan train si coach Elong Natividad. El posicion ta huga yo shooting guard y small forward. Na San Beda college ya huga yo na Manila el coach mio si coach Dong Vergere, coach Ato Badolato hasta ya gradua yo mi colegio . Cuando  na San Beda College yo , ya tiene gayot bonito expiriencia. Kay si puede tu mira de Zamboanga mga hente bien alegre tu, el admiracion diila conmigo  y mi familia ta conseja para el futuro mio especialmente aguellos ya puede mira conmigo na TV. Ta ayuda gayot conmigo motiva, confiansa, diciplinao,controlao el hora na mga otro cosa yo ta ase, pati ase buenamente el juego mio porcaosa quere yo dale mira tupao cosa sila ta habla. Philippine Basketball League (PBL) ya puede yo huga na teams del Blue Detergent, Pharmaquick, Colt 45, el mga otro coaches na Manila el ya puede huga na diila team amo sila Nat Canson,Bai Cristobal, Bernie Fabiosa, Itoy Escuerra. El sacrificio natural ya lang se man double el practice anda na gym para prepara na bangaan. Mi extra time ta man guitara hunto con el maga uban. El mga teams ya puede yo ase champion como un coach este  El DLSU  De La Salle University Dasmariñas Cavite,PRSAA Champion 2016 High School Division , NBTC Northwest Division Champion 2017.

Ahora quere yo conseja con aguellos quere queda bueno basketball player. Sacrificia, cosa el intencion tu tiene y precura gradua na colegio, toma el oportunidad el scholarship ta dale el escuela,Resa kita y pirmi pone na pensamiento cosa kita ta ase para futuro  y el familia."   (By Elong Natividad)




Related news items:
Newer news items:
Older news items: