My Google Page Rank

POWER KICK… MIMI

PDFPrintE-mail

Este si Rica Mae Pardillo Boholst, ta llama conele na palayao “mimi”, 14 años de edad, anak di Gerson Baloro Boholst y Melodina Pardillo Boholst , su hermano y hermana si Ivy, Jay Mark, Louise Cyril, John Pritz Pardillo Boholst y residente sila de Pasay Masiay, Barangay San Roque , Ciudad de Zamboanga.  Ya gradua elementaria na San Roque Elementary School, secondaria ahora grade 9 na San Roque National High School.

Este su istoria …

Ya escuji yo este desportes kay mi maga amiga ya cumbida conmigo para aprende junto canila. Ya principia yo man training na edad 13 años  Regu, Ganda y Tanding Pencak Silak Team Zamboanga City. diamun coach el presidente de Pencak Silat Zamboanga si coach Rommel Lozano Bernardo. Challenging este para canamon maga joven, hende igual el maga estilo como el tanding malisud pero alegre kame junto na team kay mucho kame cosa ta aprende  na training del diamun coach . Mi inspiracion el mio familia ,  mio maga uban na team y maga amigos amigas. Ya puede yo entra na competicion de Batang Pinoy National Championship 2016 na Tagum City – ya saka yo Bronze medal, Dinagyang Festival 2017 na IloIlo City ya gana yo 3 Gold medals .

Puede yo abla na todo kay si talyi kita na desportes, ta queda kita lejos na mal biscio, mucho kita cosa puede aprende y mucho oportunidad puede kita tene , mi expiriensa el ta anda kame na otro otro lugar y ta conose mucho amigos y amigas.  Mio mayores el ta guia conmigo na mi estudio y actividades na  escuela y na mio desportes. Si coach Rommel Bernardo tamen el ta guia conmigo na Pencak Silat .. Gracias .”  (By Elong Natividad)




Related news items:
Newer news items:
Older news items: